Qazirgi ýaqytta jaıylma sýyn Jaıyqqa kedergisiz qosý úshin ýaqytsha salynǵan aınalma joldy jyrý jumystary júrgizilip jatyr, dep habarlaıdy Egemen.kz.
Atyraý oblysynyń TJ jónindegi jedel shtaby málimetinshe qaladaǵy Almaly aýyldyq okrýgine qarasty 8 sharýashylyqty okrýg ortalyǵymen baılanystyratyn joldy sý shaıyp, sharýalarǵa qıyndyq keltirgen bolatyn. Almalyda jaıylmaǵa shyqqan ór sýyn Jaıyqqa qaıta qosý jumystary júrip jatyr.
Jaıyq ózeni atalǵan aýyldy úsh jaǵynan qorshaǵan edi. Búginde okrýgke jaýapty mekeme men 50-den astam sarbaz kezekshilik atqarady. Jalpy ózen boıyndaǵy 17 eldi mekenniń barlyǵynda jaýapty mekemeler belgilengen.
«Negizinen jaǵa bekitý jumystary tolyǵymen aıaqtaldy. Qorshaý senimdi, aýylǵa qaýip joq. Jaıyqtan shyqqan jaıylma sý aýyldyń aınalasyna taraldy. Sondyqtan jaıylma sýdy Jaıyqqa qaıta jiberý úshin bógetterdi jyryp jatyrmyz», dedi nómiri 16-20 ýchaskeleriniń koordınatory Nurjaýǵan Tóleýova.
Tasqyn kezinde Jaıyq ózeni 113 ýchaskege bólinip, sýdan qorǵaný jumystary júrgizildi. Áli de 24 gıdrobekette sýdyń deńgeıi baqylaýda tur. Sáýir-mamyr aılarynda oblystyń sý basý qaýpi joǵary eldi mekenderdi qorshap bıiktigi 8-11 metr bolatyn 523 shaqyrym bóget soǵyldy. Almaly aýyly aınalasyna 8,6 shaqyrym bóget soǵyldy, sý deńgeıi únemi baqylanyp, kezekshiler táýlik boıy jaǵalaýdyń basy-qasynda júr.