Aýyl sharýashylyǵy vıse-mınıstri Amanǵalı Berdalın elde bolǵan sý tasqyny saldarynan et pen maldyń baǵasy óspeıtinin málimdedi, dep habarlaıdy Egemen.kz.
Senattyń jalpy otyrysynan keıin mınıstrdiń orynbasaryna «Tasqynnyń saldary et pen maldyń baǵasyna áser ete me?» degen suraq qoıyldy.
Amanǵalı Berdalın tabıǵı apat naryqtaǵy baǵaǵa áser etpeıtinin jetkizdi.
«Joq, Qazaqstanda 9 mln-ǵa jýyq iri qara, 27 mln-ǵa jýyq qoı, 4 mln-ǵa jýyq jylqy bar. Tasqynnan qyrylǵan 12 myń bas jalpy maldyń 1%-yn da quramaıdy. Sondyqtan naryqqa eshqandaı áseri bolmaıdy», dep sendirdi vıse-mınıstr.