Eń úzdik fılm

«Táýelsizdik kúni qutty bolsyn» fılmi súıgen jary baqı­lyq bolyp, ómirdiń mánin joǵalt­qan orta jastaǵy er kisiniń taǵdy­ryn sýretteıdi. Marattyń jańa qoǵamǵa kóńili tolmasa da, túrli kedergige qaramastan tyǵy­ryqtan shyǵýdyń jolyn izdeıdi. Uıymdastyrýshylardyń aıtýynsha, otandyq fılm sarapshylar men kórermenderdiń joǵary baǵasyna ıe bolǵan.

«Fılmniń kórkemdik sheshimi ári qyzyqty mazmuny, qysqa ýaqyttyń ishine biraz mańyzdy dúnıeni syıǵyza alǵany unady. Eks­perımenttik elementteri de kó­ńilden shyqty. Baıqaýǵa qatysýshy basqa básekelesterine qaraǵanda oq boıy ozyq boldy», deıdi qazy­lar al­qasynyń múshesi Tımýr Ahmed­janov.

«Eýrazııalyq shyǵarmashylyq gıldııasy» kommersııalyq emes uıymy uıymdastyrǵan kınofestıval bıyl altynshy ret ótkizilip otyr. Oǵan qatysýǵa 100-ge jýyq úmitker nıet bildirgen. Ishinen 20-sy iriktelip alynyp, baq synasty.

«Ortalyq Azııa kınogerleri senimi nyǵaıa túskeni seziledi. Olar shyǵar­ma­shy­lyqtaryn shyńdap, Batys kórer­menine bir qadam ja­qyndaı tústi. О́mirimizge basqa qyry­nan qaraýǵa múmkindik bergeni qýan­tady», deıdi sarapshy Djon Farndon.

Kınofestıval jyl saıyn júz­degen talantty rejısser, akter, prodıýser, ssenarıısterdiń basyn qosady. Is-sharany ótki­zýdegi maqsat – eýrazııalyq kınony aǵylshyntildi keńistikte nasıhattap, Ortalyq Azııa jáne postkeńestik kınoındýstrııa ókilderin dúnıejúzinen jınalǵan kásipqoılarmen tanystyrý.

«Ulybrıtanııa halqy bul fılm­derdi eshqashan kórmes edi. О́ıtkeni bizde Ortalyq Azııa óner týyndylary úshin naryq qalyptaspaǵan. Biz bul ol­qylyqtyń ornyn toltyrǵymyz keledi. Shyǵarmashylyq adamdaryn álem­niń túkpir-túkpirinen jınaı alǵa­nymyzǵa rızamyz», deıdi festıvaldy uıym­dastyrýshy Spenser Hoýken.

Marapattaý saltanatynyń syıly qonaqtary qatarynda Londondaǵy Haverıng aýdanynyń meri, TMD memleketteri elshilikteriniń ókilderi boldy.

Aıta keteıik, jýyrda Býrabaıda qysqametrli kınonyń úshinshi halyq­aralyq baıqaýy ótedi.