Qasym-Jomart Toqaev Aımaqtyq klımattyq sammıt klımattyń ózgerýine qarsy kúreste halyqaralyq qoǵamdastyqtyń kúsh-jigerin biriktirýge eleýli úles qosatynyna senim bildirdi, dep jazady Egemen.kz.
Prezıdent qoǵamda ekologııalyq mádenıet qalyptastyrý jáne qorshaǵan ortaǵa qamqorlyqpen qaraý sııaqty qundylyqtardy nasıhattaý mańyzdy ekenin eske saldy.
«BUU aıasynda 2026 jyly elimizde Aımaqtyq klımattyq sammıt ótedi. Sammıt klımattyń ózgerýine qarsy kúreste halyqaralyq qoǵamdastyqtyń kúsh-jigerin biriktirýge eleýli úles qosatynyna senimdimin. Sonymen birge qoǵamda ekologııalyq mádenıet qalyptastyrý jáne qorshaǵan ortaǵa qamqorlyqpen qaraý sııaqty qundylyqtardy nasıhattaý mańyzdy. Qazirgi jaǵdaıda ekologııalyq oılaý qabileti barlyq bilim berý jáne ǵylymı baǵdarlamalardyń negizi bolýy kerek dep sanaımyn. Tabıǵat resýrstaryna jaýapkershilikpen qaraý jáne qorshaǵan ortaǵa qamqorlyq tanytý qoǵamdyq sananyń quramdas bóligine aınalýy qajet», dedi Memleket basshysy otandyq ǵalymdarmen kezdesý barysynda.