Sınoptıkterdiń boljaýynsha, maýsym aıynyń basynda elimizde 40 gradýsqa deıin kún ysıdy. Ásirese, bul Qazaqstannyń ońtústigi men batys óńirine qatysty, dep habarlaıdy Egemen.kz.
2024 jylǵy 4-6 maýsymǵa arnalǵan boljamǵa sáıkes, respýblıka boıynsha turaqsyz aýa raıy saqtalady.
Meteorologtar atap ótkendeı, soltústik-batysta jáne soltústikte burshaq jaýyp, ekpindi jelmen birge naızaǵaı oınap, jańbyr jaýady.
Sondaı-aq Qazaqstannyń basym bóliginde aýa temperatýrasynyń birtindep kóterilýi kútiletini aıtylǵan. Máselen, respýblıkanyń batysynda +30+39 °C deıin, soltústik-batysta +25+35 °S deıin, soltústikte +23+30 °S, Respýblıkanyń ortalyǵynda jáne shyǵysynda +25+33 °C deıin, ońtústiginde +35+40 °S deıin, ońtústik-shyǵysta +28+35 °C deıin aýa temperatýrasynyń joǵarylaýy kútiledi.