О́r sýy mol kelýine baılanysty, Jaıyqtyń sý ótkizý qabiletin arttyrý maqsatynda ózenniń Kaspıı teńizine quıar saǵasynyń 48,9 shaqyrymnan bastap 50,5 shaqyrymyna deıin túp tereńdetý jumystary júrip jatyr, dep habarlaıdy Egemen.kz Atyraý oblysynyń TJ jónindegi jedel shtabyna silteme jasap.
Túp tereńdetý jumystarynyń jalpy uzyndyǵy 1600 metrdi, eni 20 metrdi, al tereńdigi 1,2 metrdi quraıdy.
Qazirgi ýaqytta merdiger mekeme túp tereńdetý jumystaryna «ZRS-G», «Vatermaster-1», «Vatermaster-2» jer sorǵysh snarıadtaryn (zemlesosnyı snarıad) qoldanyp jatyr. Búgingi ahýal boıynsha, «Qazaqstan sý joldary» RMQK tapsyrysymen barlyǵy 2643 metr jer qazylyp, 16 686 m3 topyraq alyndy. Bas merdiger - «PavlodarО́zenPorty» AQ. Sonymen qatar «DM EKO KASPIAN» JShS 2350 metr túp tereńdetý jumystaryn jasady.