Parıjde ótip jatqan «Rolan Garros» týrnıriniń jekelegen saıysynda Qazaqstannyń bir ǵana tennısshisi qaldy. Ol – Elena Rybakına. Elimizdiń birinshi jáne álemniń tórtinshi raketkasy úshinshi kezeńde belgııalyq Elıze Mertenspen sheberlik baıqasty.
28 jastaǵy Flandrııa aımaǵynyń týmasy aınaldyrǵan tórt-bes jyl aralyǵynda AQSh pen Aýstralııanyń ashyq birinshilikteri jáne Ýımboldonda bas júldeni oljalady. Basqa da birqatar halyqaralyq týrnırde úzdikter qatarynan kórindi. Biraq bul tabysqa Elıze juptyq jarystarda qol jetkizdi. Al jekelegen saıysta Melbýrnde jartylaı fınalǵa deıin jetip, Nıý-Iorkte eki ret shırek fınalǵa shyqty. Qazirgi kezde Mertens WTA reıtınginde 27-orynda. Bul kezdesýde Rybakına qarsylasyna bas kótertpedi. Nebári 1 saǵat 08 mınýtqa sozylǵan saıys 6:4, 6:2 esebimen aıaqtaldy.
Tórtinshi kezeńde Elena ýkraınalyq Elına Svıtolınamen saıysqa túsedi. Álemdik reıtıngte 19-satyǵa jaıǵasqan 29 jastaǵy Odessanyń týmasy US open (2019 jyly) men Ýımbldonnyń (2019, 2023) jartylaı fınalynda jáne Aýstralııanyń ashyq birinshiligi (2018, 2019) men Rolan Garrostyń (2015, 2017, 2020, 2023) shırek fınalynda oınap, WTA týrnırlerinde 18 márte top jardy.