О́skemen qalasynda dúńgirshek-pavılonnyń urlanǵany týraly tártip saqshylaryna ótinish túsken eken, dep habarlaıdy Egemen.kz.
ShQO Polısııa departamenti habarlamasynda: «О́tinish berýshiniń aıtýynsha, belgisiz bireý erkin kirý arqyly onyń dúńgirshegin jasyryn túrde urlap ketken, ıesiniń aıtýy boıynsha shyǵyn 3 mıllıon teńgeni quraıdy», delingen. Kúdikti anyqtaldy. 49 jastaǵy qala turǵyny qylmysyn moıyndady. Polıseıler urlanǵan pavılondy zattaı dálel retinde tárkiledi. Urlyq faktisi boıynsha qylmystyq is qozǵalyp, tergeý júrgizilip jatyr.