Shossedegi velosporttan Almatyda Azııa chempıonatynyń shymyldyǵy túrildi. Elimizde tuńǵysh ret uıymdastyrylyp otyrǵan dúbirli dodaǵa sary qurlyqtyń 27 memleketiniń sportshylary qatysýda.
Atalǵan jarysta el namysyn Rınata Sultanova, Mahabbat Úmitjanova jáne Faına Potapova syndy burymdylar qorǵaýda. Alǵashqysy jekelegen synda saıysqa tússe, basqalary aralas estafetada baq synaıdy. Toptyq básekede Rınata Sultanova, Mahabbat Úmitjanova, Marına Kýzmına jáne Anjela Soloveva óner kórsetedi. Sondaı-aq Aqpeıil О́sim, Bota Batyrbekova, Vıoletta Kazakova, Elızaveta Sklıarova, Angelına Býrenkova, Evgenııa Zaam, Ekaterına Ýdovykına, Mılana Lebedınskaıa jáne Marııa Elkına syndy jasóspirimderdiń de tartysyn tamashalaımyz.
Erler jarysynda – Evgenıı Fedorov (jekelegen), Gleb Brýsenskıı, Evgenıı Gıdıch, Dmıtrıı Grýzdev jáne Igor Chjan (toptyq) sheberlikterin pash etýde. Anderler arasynda Andreı Remhe (jekelegen), Nıkolıa Vınokýrov, Rýslan Álıev jáne Andreı men Rýdolf Remhelerge senim artyp otyrmyz.
– Bıylǵy Azııa chempıonaty basqa da iri halyqaralyq jarystarmen tuspa-tús kelip otyr. Sol sebepti «Astananyń» sapyndaǵy veloshabandazdar bul dodaǵa qatyspaıdy. Olar qart qurlyqta ótip jatqan basqa baıraqty básekelerde baq synaýda. Biraq odan jarystyń qyzyǵy kemip qalady dep oılaımaımyz. Almatydaǵy chempıonatqa qatysatyn jerlesterimiz ózderiniń sheberligimen jankúıerlerdi qýantýǵa tıis, – deıdi
Qazaqstan quramasynyń aǵa jattyqtyrýshysy Danııl Fomınyh.
Taǵy bir aıta keterlik jaıt, 5-12 maýsym aralyǵynda Azııa chempıonatynyń ótýine oraı Almatydaǵy keıbir kóshelerde kólikterdiń júrý baǵyty ózgeredi.