Búgin Palata otyrysynda Senator Murat Qadyrbek ekologııalyq qaýipti aımaqtarda turatyn adamdarǵa ústemeaqy tóleýdi usyndy, dep habarlaıdy Egemen.kz Senattyń baspasóz qyzmetine silteme jasap.
Kentaý qalasynyń turǵyndary Araldyń ekologııalyq daǵdarys jaǵdaıyna jaqyndap kele jatqan qaýipti aımaq ekenine alańdaıdy. 2016 jyldan bastap olar Kentaý men onyń aınalasyndaǵy eldi mekenderdi tótenshe ekologııalyq jaǵdaı nemese ekologııalyq apat aımaǵy dep jarııalaý múmkindigin belsendi túrde talqylap keledi. Senator Murat Qadyrbek elimizdiń Premer-mınıstrine joldaǵan saýalynda osy másele týraly aıtty.
Murat Qadyrbektiń aıtýynsha, búgingi tańda Ekologııalyq kodekske sáıkes qurylǵan, Kentaý qalasy men irgeles eldi mekenderdi ekologııalyq apat aımaǵy dep jarııalaý múmkindigin qarastyratyn arnaıy komıssııa jumys isteıdi.
«Eńbek jáne halyqty áleýmettik qorǵaý mınıstrligi Túrkistan oblysynyń Kentaý qalasy men oǵan irgeles eldi mekenderdiń aýmaǵyn ekologııalyq daǵdarys jaǵdaıyna jaqyndaǵan aımaqqa kirgizý boıynsha zańnamalyq tıisti ózgerister engizý úshin naqty sharalar qabyldaýy qajet. Sonymen qatar atalǵan aýmaqta jergilikti bıýdjetten qarjylandyrylatyn bıýdjettik mekemelerde jumys isteıtin qyzmetkerlerge ekologııalyq aımaqta turǵany úshin áleýmettik aýdarymdarmen qosa respýblıkalyq bıýdjetten 20% ústemeaqy qarjy qarastyrý qajettigin sheshýge yqpal etýińizdi suraımyz», dedi senator.
Qyrmyzy JUMAǴALIQYZY,
EUÝ stýdenti