Byltyr Oralda 10 naýryz kúni sýdıa Nurlan Ǵubashev jumys ornynda kóz jumǵan edi. Balasy osy is boıynsha sotqa júginip 48 mln teńge óndirip aldy, dep jazady Egemen.kz.
Tergeý barysynda Nurlan Ǵubashev balasynyń jalǵyz asyraýshysy bolǵany anyqtaldy. Alaıda tergeý komıssııasy oqys oqıǵanyń qyzmetke qatysy joq degen qorytyndy shyǵarady. Bul sheshimmen kelispegen sýdıanyń uly sotqa qaıta shaǵymdandy.
Bul joly Nurlan Ǵubashevtyń qyzmet barysynda, naqtylasaq, sot prosesin júrgizý barysynda kóz jumǵany dáleldendi. Sondaı-aq osy kezeńde marqum sýdıanyń júktemesi de talaptan kóp bolǵany belgili boldy.
Sot Nurlan Ǵubashevti qyzmettik mindetin atqarý barysynda kóz jumdy dep tanydy. Sýdıa ulynyń talap-aryzy qanaǵattandyrylyp 48 mln teńge, 5 jyldyq jalaqyny óndirý úkimi qabyldandy. Marqumnyń aılyq jalaqysy 800 789 teńge bolǵan.