QR Mádenıet jáne aqparat mınıstrligi arnaıy kitaphanalar týraly sandyq derekterdi jarııalady, dep habarlaıdy Egemen.kz.
Zaǵıp jáne nashar kóretin azamattarǵa arnalǵan 17 arnaıy kitaphana, onyń ishinde 1 respýblıkalyq, 7 oblystyq, 4 qalalyq, 2 fılıal, 3 arnaıy bólim jumys istep tur, oqyrmandary 49 272-ge, kelýshiler sany 423 860-qa jetken. Respýblıkalyq kitaphana el boıynsha 16 mamandandyrylǵan kitaphanaǵa ádistemelik ortalyq retinde qyzmet etedi. Arnaıy kitaphanalardyń jalpy qory 1 010 076 kitapqa jetken. Kitap qory ótken jylmen salystyrǵanda 2,5%-ǵa ósken. Aıta ketsek, zaǵıp jandar men nashar kóretinderdiń jáne olardyń otbasy músheleriniń rýhanı damýyna kómektesetin biregeı mádenı ortalyq – arnaıy kitaphanalar kitap oqýdy nasıhattap, qazaq jazýshylarynyń úzdik shyǵarmalaryn dáriptep keledi jáne jetkinshekterdiń oqýǵa qyzyǵýshylyǵyn arttyrýda mańyzdy ról atqarady.