Pavlodarda «Amanat» partııasynyń «Taza beısenbi» ekologııalyq aksııasy bastaý aldy. Aksııaǵa qatysýshylar alǵashqy kúni 11 tonnadan asa turmystyq jáne qurylys qoqystaryn jınady.
О́ńirde júzge jýyq adam aýmaqty tazalaýǵa qatysty. Ekologııalyq is-sharaǵa «Amanat» partııasynyń músheleri, «Jastar rýhy» JQ belsendileri, jergilikti kolledjderdiń oqýshylary, óńirdiń qoǵamdyq uıymdarynyń ókilderi qatysty. Tazalaý orny retinde Zelenstroı shaǵyn aýdanyndaǵy qoqys jyldar boıy jınalǵan ýchaske tańdaldy.
«Kommýnaldyq mekeme qyzmetkerleri qalanyń barlyq aýmaǵyn jedel qamtı almaıtyny málim. Biz elimizdegi tazalyq mádenıetin qalyptastyrý jáne ekologııalyq tepe-teńdikti saqtaý maqsatyndaǵy bastamalardy barynsha qoldaımyz. Búgingi is-sharaǵa jastardy barynsha tartýǵa tyrystyq. Bul birrettik joba emes, «Taza beısenbi» aksııasy apta saıyn turaqty ótkiziledi», dep atap ótti partııalyq uıymnyń óńirlik fılıalynyń tóraǵasy Ilıa Terenchenko.
Jergilikti jastar, onyń ishinde aqparattyq tehnologııalar jáne tústi metallýrgııa kolledjderi aksııaǵa belsene qatysty. Olardyń pikirinshe, mundaı is-sharalar shahardyń ekologııalyq jaǵdaıyn jaqsarta túsýge múmkindik beredi.
«Jastardy qoǵam tárbıelep otyr. Paıdaly ispen aınalysyp, bir-birimizge kómekke kelý asa mańyzdy. Al qoǵam birikse, birligimiz nyǵaıady. Búginde jastardyń dúnıetanymy ózgerý ústinde. Biz stýdenttermen birge aýmaqty qoqystan tazarta júrip, án saldyq. Bastysy bizge kóńildi boldy», deıdi tústi metallýrgııa kolledjiniń pedagogi Islambek Áljanov.
Ekologııalyq aksııanyń alǵashqy kúniniń qorytyndysy boıynsha oblys ortalyǵynda 11 tonnaǵa jýyq turmystyq jáne qurylys qoqystary jınaldy. Sondaı-aq bul kúni Aqtoǵaı jáne Ertis aýdandarynda, Aqsý men Ekibastuz qalalarynda osyndaı tazalyq is-sharalary júrgizildi.
Pavlodar oblysy