Kýveıttegi órt saldarynan kóz jumǵan 49 sheteldik jumysshynyń arasynda da, zardap shekkender arasynda da Qazaqstan azamattary joq. Bul aqparatty QR Syrtqy ister mınıstrligi rastady, dep habarlaıdy Egemen.kz.
«Kýveıttegi konsýlymyzdyń habarlamasyna sáıkes, Mangaf (Kýveıt) jergilikti bıligi qaza tapqandar men zardap shekkender arasynda Qazaqstan Respýblıkasynyń azamattary joq ekenin habarlady», delingen SIM málimdemesinde.
Eske sala keteıik, 12 maýsym kúni tańerteń Mangaf qalasynda tutanǵan órt saldarynan 50-ge jýyq kóz jumdy. Úkimet basshysy orynbasarynyń aıtýynsha, úı ıesi órt qaýipsizdigine nemquraıdy qaraǵan. Jalyn jumysshylar turatyn kópqabatty úıden tutanǵan. Polısııa ókili kóz jumǵandardyń basym bóligi kómirqyshqyl gazynan ýlanǵanyn aıtqan edi.
Qyrmyzy JUMAǴALIQYZY,
EUÝ stýdenti