Búgin álem boıynsha bastalǵan Qurban aıt meıramy úsh kúnge sozylady, dep habarlaıdy Egemen.kz.
Bul kúnderi qurbandyqqa mal shalyp, azyǵy joq, muqtaj jandarǵa taratylady. Islam túsinigi boıynsha joq-jitik jandarǵa kómektesý saýapty is sanalady. Sondaı-aq, musylmandar qulshylyq etip, kóbirek jaqsy amaldar jasaýǵa tyrysady. Mereke kezinde Qurban aıt namazy oqylady.
Elimizdiń ár óńirde namaz oqýdyń bekitilgen ýaqyty bar. Qazaqstan musylmandary dinı basqarmasy halyqqa merekeniń mán-jaıyn keńinen túsindirip júr. Atalǵan merekege tán mindet – Qurban shalý bolyp sanalady.