Onkologııalyq ortalyq salynady

О́kinishke qaraı, óńir­de jyldan jyl­­­­ǵa onkolo­gııa­lyq syrqatqa dýshar bolǵan tur­­ǵyndardyń sany artyp keledi. Bul másele Úkimette de kóterilgen. 2022 jyly Mem­leket basshysy Qasym-Jomart Toqaev oblysqa kelgen jumys saparynda osyndaı ortalyq salý týraly tapsyrma bergen. Osy rette oblys áki­mi Beıbit Isabaevtyń bas­tamasymen Densaýlyq saqtaý mınıstrligi jáne «Kazakhmys Holding» ınvestor-kompanııasy úsh jaqty memorandýmǵa qol qoıdy. Mundaǵy maqsat – oblystaǵy densaýlyq salasyn jandandyrý ǵana emes, turǵyndardyń qaýipsizdigin saqtaý.

«Ártúrli nusqalar boldy. Aldymen biz salynyp jat­qan ǵımarattyń qoldanylý maq­satyn ózgertýdi josparladyq, onda oblys bólingenge de­ıin sot ǵımaraty bolady dep jos­parlanǵan. Biraq obektıvti sebepterge baılanysty bul josparǵa sáıkes kelmedi. Endi ol jerde 500 oryndyq emhana bolady, bul jańadan keńeıip kele jatqan shaǵyn aýdan úshin óte qajet. Biz Kerbulaq aýdanynda mys óndiretin taý-ken baıytý kom­bınatyn salýmen aınalysyp jatqan «Kazakhmys Holding» kompanııasynyń basshylyǵymen jarty jyl kóleminde kelissózder júr­gizdik. Bul – quny 1 trln teń­ge shamasyndaǵy úlken ın­vestısııalyq joba. Edýard Vıktorovıch kompa­nııa qa­ra­jaty esebinen onko­lo­gııa­lyq ortalyq salý jó­nin­­de­gi usynysymyzdy qol­dady. Búgin biz arnaıy memo­ran­dýmǵa qol qoıý arqyly ýaǵda­lastyǵymyzdy resmı túrde bekitemiz», dedi B.Isabaev.

Búginde onkologııalyq aýrý­­lar júrek-qan tamyry aýrý­larynan keıingi 2-orynda tur. Son­dyqtan qazir­gi zamanǵy on­kologııalyq or­ta­lyqtyń qurylysy on­ko­logııalyq aýrý­larmen kúre­sý­diń júıeli sharasy retin­de asa qajet. Muny «Kazakh-­mys Holding» JShS dırek­tor­lar keńesi­niń tóraǵa­sy Edýard Ogaı ­aıtyp otyr. 1993 jyldan ­beri jumys istep ­kele jat­qan kompanııa áleý­met­tik máseleler­ge baǵdarlanǵan.

«Buǵan deıin Qazaqstan boıynsha birneshe áleýmet­tik mańyzdy jobalardy iske asyrdyq. Sý tasqyny men onyń saldarymen kúres ke­zinde de syrt qalǵan joq­pyz. Josparlanyp otyr­ǵan ken baıytý kombına­ty­nyń qurylysy metal­lýr­­gııa­nyń damýyna, jańa ju­mys oryndarynyń ashy­lýy­na yqpal etetin bola­dy. Áleýmettik jaýapker­shi­ligimizdi túsine otyryp, biz on­kologııalyq ortalyq sa­lý jónindegi usynysty qol­dadyq. Kombınat salýmen qatar, osy mańyzdy medı­sı­nalyq mekemeniń qury­ly­symen de qatar aınalysamyz», deıdi E.Ogaı.

О́ńir ákimi baspasóz qyz­me­tiniń málimetinshe, mun­da bıýdjet qarajatyn tıim­di paıdalaný maqsatynda Jam­byl oblysyndaǵy 200 oryn­dyq onkologııalyq orta­lyq qurylysynyń joba­sy negizge alynyp otyr. Bul ret­te eń mańyzdysy – orta­lyqty zamanaýı materıal­dyq-tehnıkalyq bazamen qam­tamasyz etý. Bul máselede Den­­saýlyq saqtaý mınıstrligi járdemdesedi.

Birinshi vıse-mınıstr Tımýr Sultanǵazıevtiń aıtýynsha, qazir onkologııa­lyq syrtqattar boıynsha kórsetiletin qyzmetti da­my­týǵa basymdyq beriledi. «On­kologııalyq aýrýlardyń jyl saıynǵy ortasha ósimi 5 paıyzdy quraıdy. Bul rette ólim-jitim 2-3 paıyzǵa tó­mendedi. Osyndaı aýrýmen aýyratyn naýqastardyń 5 jylǵa deıin ómir súrýin 60 paıyzǵa deıin jetkizýdi kózdep otyrmyz. Ol úshin el Prezıdentiniń tapsyrmasy boıynsha 2023-2027 jyl­dar­ǵa arnalǵan onkologııa­lyq aýrýlarmen kúres jónin­degi keshendi jospar bekitildi, onyń sheńberinde Jetisý oblysy úshin arnaıy joǵary tehnologııaly, medısınalyq aýyr jabdyqtar satyp alý kózdelgen. Ákimdik pen de­meý­shiniń onkologııalyq qyz­metti damytýǵa basa nazar aýdarǵany bizdi qýantyp otyr», dedi T.Sultanǵazıev.

Munan soń Qazaq onkologııa jáne radıologııa ǵyly­mı-zertteý ınstıtýtynyń dı­­rektory Dılıara Qaıda­ro­­va Taldyqorǵanda jumys is­tep turǵan onkologııalyq or­ta­lyqtyń moraldyq ári fı­zı­kalyq turǵydan eskir­genin, al zamanaýı jab­dyq­tarmen jasaqtalǵan jańa orta­lyq­tyń qurylysy ıns­­tıtýt úshin erte dıag­nos­tıkanyń sapa­syn art­ty­rýǵa kómektesetinin, ın­novasııalyq ońdy em uıym­dastyrýǵa yqpal etetinin atap ótti.

Oblys basshysy kadr má­selesi erekshe ózekti ekenin tilge tıek etti. Jetisýda zamanaýı onkologııalyq orta­lyqty salý týraly she­shim qabyldanǵanǵa de­ıin be­kitilgen Keshendi jos­par­daǵy belgilengen jab­dyq­tar endigi jerde jet­ki­lik­siz bolatynyn, qosymsha qa­jettilik taǵy da artaty­nyn aıtty. Densaýlyq saq­taý mınıstrligi men maman­dandyrylǵan ınstıtýttyń ókilderi osy eki máseleni she­­shýde qajetti qoldaý kór­seti­letinine sendirdi.

Kezdesý sońynda úsh jaq­­ty memorandýmǵa qol qo­­ıyldy. Beıbit Isabaev jıyn­­dy qorytyndylaı ke­le, áleý­mettik mańyzy bar is­tegi alǵashqy qadam júzege asy­rylǵanyn, budan ári ınves­tor kompanııa ókilderi men ob­lystyq qurylys basqarmasy ara­synda kelisimge qol qoıy­latynyn jetkizdi.

Jetisý oblysy