Búgin Taraz qalasynda Qazaqstanda AES salý máselesi talqylandy. Bul týraly Energetıka mınıstrligi habarlady, dep jazady Egemen.kz.
Jıyndy ótkizýge Jambyl oblysy Aqsaqaldar keńesi bastamashy boldy.
Jarııa talqylaýǵa óńir turǵyndary, jergilikti Qoǵamdyq keńestiń, ardagerler keńesiniń músheleri, QR Energetıka mınıstrliginiń, «Qazaqstandyq atom elektr stansııalary» JShS, «Iаdrolyq fızıka ınstıtýty» RMK, oblystyq jáne qalalyq máslıhattar, ÚEU, shaǵyn, orta jáne iri bıznes, BAQ ókilderi, jergilikti belsendiler, energetıkter, joǵary oqý oryndarynyń stýdentteri, oqytýshylary men ǵalymdary, saıası partııalar men etnomádenı birlestikter fılıaldarynyń basshylary jáne t.b. qatysty.
Jıynda QR Energetıka mınıstrligi, «Qazaqstandyq atom elektr stansııalary» JShS, «Iаdrolyq fızıka ınstıtýty» RMK ókilderi baıandama jasady.
Spıkerler óz sózinde qazirgi ýaqytta Qazaqstannyń energetıka sektoryndaǵy basym baǵyttardyń biri atom energetıkasyn damytý bolyp tabylatynyn atap ótti. Sondaı-aq, Qazaqstanda AES salý el ekonomıkasyn damytý úshin jańa múmkindikter ashýǵa, energetıkalyq jáne ónerkásiptik óndiristi ártaraptandyrýǵa, ǵylymdy damytýǵa jáne zamanaýı tehnologııalardy engizýge, qorshaǵan ortaǵa zııandy zattar shyǵaryndylaryn azaıtý esebinen ekologııalyq júktemeni tómendetýge, jańa jumys oryndaryn qurýǵa jáne atom salasynyń kadrlyq áleýetin damytýǵa jáne t.b. múmkindik beretinin túsindirdi.