«Qazgıdromet» RMK sınoptıkteri aldaǵy kúnderge arnalǵan aýa raıy boljamyn usyndy, dep habarlaıdy Egemen.kz.
Mamandardyń boljamyna sáıkes, aldaǵy kúnderi Batys Qazaqstandaǵy aptap ystyqtyń beti qaıta bastaıdy, 22 maýsymda aýa temperatýrasy jaýyn-shashynnyń esebinen burynǵy klımattyq qalypqa oralady.
Eldiń soltústigi men ortalyǵynda jaýyn-shashyn toqtap, keıin qaıta jańbyr jaýady, dálirek aıtsaq, naızaǵaı oınap, keı aımaqtarda burshaq aralas jańbyr jaýady, qatty jel soǵady.
«Qazaqstannyń ońtústiginde áli de turaqsyz aýa raıy saqtalady. Al eldiń shyǵys óńirlerinde kún raıy ashyq bolady», deıdi sınoptıkter.