«Qazaqstan Turǵyn úı Kompanııasy» AQ-ny endi Altaı Kúzdibaev basqarady. Jańa basshyny ujymǵa «Báıterek» UBH» AQ basqarma tóraǵasy Rýstam Qaraǵoıshın tanystyrdy, dep jazady Egemen.kz.
Altaı Kúzdibaev «Halyqaralyq ekonomıka» mamandyǵy boıynsha M. V. Lomonosov atyndaǵy MMÝ támamdaǵan. Menedjment magıstri dárejesin alǵan.
Eńbek jolyn 2008 jyly «Qazaqstan Halyq Banki» AQ-da bastap, 2009-2012 jyldary «Birinshi kredıttik bıýro» JShS-de jumys istedi.
2012 jylǵy qarashadan 2013 jylǵa deıin Ulttyq banktiń enshiles uıymy — «Memlekettik kredıttik bıýro» AQ basqarma tóraǵasynyń orynbasary qyzmetin atqardy.
2013 jylǵy qarashadan 2020 jylǵy tamyzǵa deıin «Báıterek» UBH» AQ enshiles uıymy «Báıterek development» AQ basqarma tóraǵasynyń orynbasary boldy.
«Báıterek» UBH» AQ-nyń turǵyn úı blogi biriktirilip, «Báıterek development» AQ, «Turǵyn úı qurylysyna kepildik berý qory» AQ «Qazaqstan Ipotekalyq Kompanııasy» IU» AQ-ǵa qosylǵannan keıin Altaı Kúzdibaev «Qazaqstan turǵyn úı kompanııasy» AQ basqarma tóraǵasynyń orynbasary laýazymyn atqardy.