О́tken oqý jyly qorytyndysy boıynsha Qazaqstan oqýshylary 12 halyqaralyq olımpıada men ǵylymı jarystarǵa qatysyp, ár ekinshi qatysýshy júldege ıe bolǵan, dep habarlaıdy Egemen.kz Oqý-aǵartý mınıstrliginiń málimetine silteme jasap.
Qazaqstan oqýshylary halyqaralyq jarystardan 118 altyn, 201 kúmis, 284 qola, barlyǵy 603 medal alǵan.
«12 iri halyqaralyq jarystarǵa qatysqan Qazaqstannyń 1218 oqýshysynyń 603-i medal ıegeri atandy. Onyń ishinde eń bedeldi álemdik olımpıadalarda 243 medal jeńip aldy», dedi mınıstrliktiń Orta bilim komıtetiniń tóraǵasy K.Jumashev.
О́tken oqý jylynyń erekshe jetistigi Qazaqstan oqýshylarynyń FIRST CHAMPIONSHIP robottehnıka boıynsha halyqaralyq chempıonattarda jetken jetistikteri boldy. Ulttyq quramalar Sıngapýr, AQSh, Kıpr, Qytaı elderinde joǵary marapattarǵa ıe boldy. AQSh-ta ótken Regeneron ISEF-2024 baıqaýynyń qorytyndysy boıynsha elimizdiń oqýshylary 100% nátıje kórsetti.