Bıyl Mańǵystaý oblysynda respýblıkalyq «Taza Qazaqstan» ekologııalyq aksııasy aıasynda 25 myń tonnaǵa jýyq qoqys shyǵaryldy, sondaı-aq Aqtaý qalasy mańyndaǵy «О́ndiristik aımaqta» 35 gektar qoqys úıindisi tazalanady. Aksııaǵa atsalyspaǵan ujym joq, qanshama kúsh-qýat jumyldyryldy, alaıda araǵa apta salmaı jatyp tazalanǵan jerge tastalǵan qoqysty kórgende kóńiliń qulazyp sala beredi...
Mysaly, atalǵan aksııa aıasynda «Otpantaý» tarıhı-mádenı keshenindegi tazalyq jumystaryna «Tanym» tabıǵı resýrstar basqarmasynyń uıymdastyrýymen «Jasyl el» jasaǵy aralasyp, jastar tazalyq jumysyna belsene kiristi.
«Tazalyq jumysy qarqyndy júrip jatyr. Alǵashqy aıaldama — «О́ndiristik aımaq-3». Tazalyq jumysy eki sanatta júrgiziledi. Birinshisi, arnaıy tehnıkanyń kúshimen jáne arnaıy kommýnaldyq qyzmetkerlerdiń qoldaýymen júzege asyrylady. Bul jumystarǵa 13 arnaıy tehnıka men 10 qyzmetker jumyldyrylyp, orta eseppen, 25 myń tonna qoqys shyǵaryldy. «О́ndiristik aımaq – 3», «Avto bıpek» mańynda jáne «О́ndiristik aımaq - 3,23», «Úlken Oımasha», «PK Ýrojaı» mańynda zańsyz tastalǵan qoqys úıindilerin tazalaý jumystary júrgizildi», deıdi Aqtaý qalalyq TKSh bóliminiń basshysy Janbolat Jaqypov.
Jumys júrip jatyr, alaıda tazalyqtyń saqtalýy qıyndyq týǵyzyp turǵanyn jasyryp qajeti joq. Bul turǵyndardyń, qonaqtardyń, týrısterdiń, jalpy demalýshylardyń jeke mádenıetine qatysty jaǵdaı. Al Mańǵystaý oblysy atalǵan aksııa aıasynda alǵash ret qorshaǵan ortany qorǵaýǵa óz úlesin qosýshylar arasynda «Tanym» syılyǵyn taǵaıyndady.
Mańǵystaý oblysy