Búgin Almaty qalasyndaǵy Maqataev - Masanchı kósheleriniń qıylysynda avtobýs apaty bolǵanyn habarlaǵan edik. Apat saldarynan 1 adam kóz jumyp, 16 adam zardap shekkeni anyqtaldy, dep jazady Egemen.kz.
Qalalyq Polısııa departamenti usynǵan málimetke sáıkes, jol-kólik oqıǵasy saǵat 14:20 shamasynda bolǵan.
«Aldyn ala málimet boıynsha, «Kia» kóliginiń júrgizýshisi Maqataev kóshesimen ońtústik baǵytta ótip bara jatyp, «Sity-Bus» JShS jeke tasymaldaýshysy qyzmet kórsetetin 18-shi baǵyttaǵy qoǵamdyq kólikpen soqtyǵysyp, artynsha kedergige soǵylǵan», delingen polısııa ókilderiniń túsiniktemesinde.
Kisi ólimi bolǵan apatqa qatysty qylmystyq is qozǵalyp, tıisti saraptamalar taǵaıyndaldy.