SQO-nyń Báıterek aýylynda bes jasar qyz úıinen shyǵyp ketip, joǵalyp ketken. Búldirshindi polıseıler Jezqazǵan-Petropavl tasjolynyń boıynda, úıinen 5 shaqyrym jerden tapty, dep habarlaıdy Egemen.kz.
Báıterek aýylynyń turǵyndary 102 arnasyna habarlasyp 5 jasar qyzdyń joǵalyp ketkenin málimdegen. Búldirshinniń ata-anasy, týystary tóńirekti túgel qarap shyqqan. Nátıje bolmaǵasyn, tártip saqshylarynyń kómegine júgingen.
«Aýdandyq polısııa bóliminiń jeke quramy dereý izdestirý jumystaryn bastap ketti. Aýyl ishin aralaý nátıje bermegen soń, polıseıler izdestirý aýmaǵyn keńeıtti. Nátıjesinde joǵalǵan qyz bala Jezqazǵan-Petropavl tasjolynda Podgornoe aýyly baǵytynda shamamen úıden 5 shaqyrym jerde tabylyp, aman-esen ata-anasyna qaıtaryldy», dep habarlady polısııa.