M.Maqataev atyndaǵy №13 orta mektebindegi jazǵy mektepte oqýshylar óz demalysyn kóńildi, paıdaly ári belsendi ótkizip jatyr. Jazǵy mektep jumysy bıyl 10 maýsymnan bastaldy. Balalardyń jazǵy mekteptegi bir kúninen shaǵyn reportaj usynǵymyz keledi.
Oqýshylardy tańerteń 9.00-de kútip alyp, birge tańǵy jattyǵý jasaımyz. Ár kúnniń tabysty, nátıjeli ótýi tańdy qalaı bastaǵanǵa baılanysty. Tańǵy jattyǵýdy ádetke aınaldyrý boıyńyzdaǵy oń ózgeristerge ákeledi sergek júresiz, tynys alý jeńildeıdi, kúsh-qýatyńyz tasıdy. Sol sebepti mektepishilik alań jumysy tańǵy sergitý jattyǵýynan bastalady.
Odan keıin ár kúndi erekshe, bir-birin qaıtalamaıtyndaı uıymdastyrýǵa tyrystyq. Mysaly, alǵashqy kúni balalar doppen sekirý jattyǵýyn oınady. Olardyń kóńil kúıi tamasha sergek boldy. Ekinshi kúni «oıyn-kúlki – dárýmen» taqyrybynda «Qojanasyr qorjyny» oıyny uıymdastyryldy. Oıynnyń maqsaty balalardyń kóńil kúıin kóterý, qazaq tiline degen qyzyǵýshylyqtaryn arttyrý, logıkalyq oılaý qabiletterin arttyrýǵa baǵyttaldy. Úshinshi kúni «Dos bolaıyq bárimiz» taqyrybynda balarmen uıymdasyp dostyqqa, tatýlyqqa shaqyratyn «Tolaǵaı» oıyny oınaldy. Tórtinshi kúni qýyrshaq teatry keldi, birlikke, aýyzbirshilikke baýlý baǵytynda oqýshylarǵa «Shalqan» ertegisiniń qoıylymy kórsetildi. Besinshi kúni «Jas qutqarýshy» kúnine mektebimizdiń medbıkesi Roza Teleýbaeva balalarǵa alǵashqy kómek kórsetý erejeleri tanystyrylyp, tájirıbelik turǵyda túsindirip, kórsetti.
Jazǵy mektepte arnaıy bólmeler bezendirilip, sanıtarlyq talapqa saı jumystar júrgizildi. Asyǵa kútken balalardyń jazǵy demalysyn alańda qyzyq ótkizý maqsatynda túrli is-sharalar baıqaýlar men saıystar ótkizildi. Sonymen qosa toptaǵy oqýshylarǵa mektep medbıkesi dárýmender, aýrýdan saqtaný joldary, gıgıenany saqtaý týraly dárigerlik keńester berip, balalardyń jaǵdaıyn baqylaıdy. Sporttyq «Tolaǵaı» estafetalyq oıyndar ótkizildi. Topqa bólinip, sporttyq oıynǵa qatysty. Sonymen qatar arnaıy ázirlegen «Ulttyq qundylyqtar» bólmesinde dombyramen kúı shertip, shashki men shahmat oıyn túrlerinen baıqaýlar uıymdastyryldy. Arnaıy josparǵa saı, top jetekshileri túrli taqyryptarda logıkalyq oıyndar uıymdastyrdy. Alań jetekshileri kúndelikti jaqsy kóńilmen balalardy qarsy alýǵa árdaıym daıyn.
Qorytyndylaı kele, jazǵy mektep, jazǵy saýyqtyrý alańy balalardyń kóńilinen shyqty.
Gúlsim ABDIBEKOVA,
M.Maqataev atyndaǵy
№13 orta mektebiniń muǵalimi
Almaty oblysy,
Ile aýdany