«Qazgıdromet» RMK sınoptıkteri shilde aıyna arnalǵan aýa raıy boljamyn jarııalady. Aıdyń birinshi onkúndiginde Qazaqstannyń basym bóliginde sıklondar men atmosferalyq fronttardyń áserinen turaqsyz aýa raıy saqtalady, dep habarlaıdy Egemen.kz.
Shilde aıynyń basynda elimizde jańbyr, naızaǵaı, burshaq, ekpindi jel kútiledi, ásirese Qazaqstannyń soltústik-batysynda, soltústik jáne ońtústik-shyǵys taýly aımaqtarynda turaqsyz aýa raıy saqtalady. Ońtústik oblystarda shańdy daýyl soǵýy múmkin.
Aýa temperatýrasy kelesideı bolady:
Soltústikte jáne shyǵysta: túnde +10...+15°S, kúndiz +18...+28°S.Ortalyqta: túnde +10...+18°S, kúndiz +22...+28°S.Ońtústik-shyǵysta: túnde +15...+20°S, kúndiz +22...+30°SBatysta jáne ońtústikte: túnde +12...+17°S-tan +20...+28°S-qa deıin, kúndiz +27...+32°S-tan +35...+43°S-qa deıin kóteriledi.
Birinshi onkúndiktiń sońy men ekinshi onkúndiktiń basynda respýblıkanyń basym bóliginde ystyq kúnder qaıta oralady.
Aıdyń ekinshi jáne úshinshi onkúndiginde ystyq jáne salqyn kúnder almasady. Keı jerlerde jańbyr jaýyp, naızaǵaı oınap, ekpindi jel soǵady, burshaq jaýyp, shańdy daýyl soǵady.
Temperatýranyń aýytqýy kelesideı bolady:
Batysta: túnde +15...+22°S-tan +19...+25°S-qa deıin, kúndiz +28...+33°S-tan +33...+38°S-qa deıin.Soltústik, ortalyq jáne shyǵysta: túnde +7...+17°S-tan +15...+23°S-qa deıin, kúndiz +17...+27°S-tan +30...+37°S-qa deıin kóteriledi. Ońtústik jáne ońtústik-batysta: túnde +14...+23°S-tan +20...+28°S-qa deıin, kúndiz +30...+36°S-tan +35...+43°S-qa deıin.Ońtústik-shyǵysta: túnde +10...+18°S-tan +17...+25°S-qa deıin, kúndiz +25...+36°S-tan +33...+40°S-qa deıin aýa temperatýrasy kóteriledi.