Respýblıkalyq «Taza Qazaqstan» aksııasy tazalyq saqtaý baǵytyndaǵy jańa jobalarǵa bastama boldy. Aksııa aıasynda tonnalap qoqys shyǵaryp, shalǵaıdaǵy tarıhı-mádenı oryndardy da qaldyqtardan aryltqan Mańǵystaýda «Eko Mańǵystaý» ÚEU jańa ekologııalyq jobalardy júzege asyrýdy qolǵa aldy.
«Eko Mańǵystaý» úkimettik emes mekemesi qorshaǵan ortany qorǵaýǵa baǵyttalǵan mańyzdy úsh ekologııalyq jobany iske qosty.
«Eko Revolut: jarqyn bolashaqqa arnalǵan ınnovasııalar» jáne «Ekokózqaras: Mańǵystaý oblysyndaǵy tabıǵatqa qamqorlyq» jobalary qatty turmystyq qaldyqtarmen jumys isteý júıesin jaqsartýǵa, sýdy paıdalaný tıimdiligin arttyrýǵa, oblys turǵyndary arasynda ekologııalyq saýattylyq deńgeıin arttyrý men tabıǵatqa jaýapkershilikpen qaraýdy qalyptastyrýǵa baǵyttalǵan. Atalǵan jobalardy júzege asyrý barysynda Mańǵystaýdyń biregeı tabıǵı aýmaqtaryn tazartý boıynsha 200-den astam eriktiniń qatysýymen birneshe aksııa ótkizildi. Sondaı-aq jazǵy demalysta makýlatýra jınaý boıynsha «Ekooqýshy» baıqaýy ótip, oǵan belsene qatysqandar qorshaǵan ortany qorǵaýǵa qosqan úlesi úshin marapattaldy. Sonymen qatar Aqtaýda «Eń úlgili aýla», «Eń taza kireberis», «Eń úlgili turǵyn úı», «Eń úzdik tazalyqshy» anyqtalyp, eńbegine laıyqty syı-qurmet kórdi.
Mańǵystaý oblysy