Ǵylym jáne joǵary bilim mınıstrligi el Prezıdenti Qasym-Jomart Toqaevtyń qoldaýymen «Ǵylym jáne tehnologııalyh saıasat týraly» jańa zańdy ázirleý jáne qabyldaý boıynsha shyn máninde úlken jumys atqardy.
Zań ǵylymdy damytýǵa jáne elimizdiń ǵylymı ıdeıalar men ǵylymı ázirlemelerge negizdelgen joǵary tehnologııalyq, ınnovasııalyq damý jolyna túsýine zor múmkindik beredi.
Zańnyń qabyldanýy el ekonomıkasyn damytýdyń joǵary tehnologııalyq jolyna birden ári jyldam ótýine kepildik beredi degen sóz emes. Ol úshin bul baǵytta ǵylym men bıznestiń shynaıy ıntegrasııasy bolýy qajet. Sonyń negizinde ǵana ınnovasııalyq damý jolyna túsemiz. Ol úshin qıyndyqtardy eńsere otyryp, úzdiksiz jumys isteýge týra keledi. Qazir biz damýdyń tek alǵashqy satysynda turmyz. Bıznes pen ǵylym, atqarýshy bılik pen ǵylym arasynda senimsizdik pen túsinispeýshilik bar. Osy kedergini joıý úshin ne isteý kerek? Eń aldymen, damyǵan elderdegideı olardyń tájirıbesin muqııat zerttep, ýnıversıtetter, ǵylymı zertteý ınstıtýttary, múmkin ákimdikter janynan ınnovasııalyq ortalyqtar qurý qajet. Al bul jerde startapqa, ǵylymı ıdeıany, ǵylymı ázirlemelerdi ákelý úderisin saýatty, tıimdi qurýǵa basa nazar aýdarý kerek. Odan keıin ishki jáne syrtqy naryqqa shyǵa otyryp, ınnovasııalyq ónimderdi keń aýqymdy, ónerkásiptik túrinde óndirgen abzal. Mundaı saýatty úrdis bolmasa, ınnovasııalyq ortalyqtardy qurýmen eshteńege qol jetkize almaımyz. Al damyǵan elderdiń tájirıbesin zerdeleý kezinde osy úderistiń qurylysyn muqııat zerdeleý kerek.
Osyndaı ınnovasııalyq ortalyqtardy Almaty qalasynan qurýdy bastaý qajet. О́ıtkeni elimizdiń ǵylymı áleýetiniń 70 paıyzy, bıznes pen áleýetti ınvestorlardyń 30 paıyzǵa jýyǵy osynda ornalasqan. Ǵylym men bıznestiń mundaı orasan zor áleýetin ǵylymdy kommersııalandyrýǵa paıdalanyp, osy tájirıbeni ári qaraı elimizde keńeıtken jón. Bul bir aılyq nemese bir jyldyq jumys emes. Tájirıbeli, ǵylymı ıdeıany, ázirlemeni startapqa deıin jetkize alatyn, ǵalymdar men kásipkerler, ınvestorlar arasynda tıimdi baılanys ornatýǵa qabiletti, kommersııalandyrý mamandarynyń birneshe jyl boıy tynymsyz jumysyn talap etetin úderis. Eń bastysy, «Ǵylymı-tehnıkalyq saıasat týraly» zań elimizdiń joǵary tehnologııalyq damýy úshin myqty zańnamalyq negiz beredi. Osy zańdy negizge ala otyryp, ǵylymı áleýetimizdi damyta alamyz.
Jumabaı DILMANOV,Ǵylymdy kommersııalandyrý odaǵy tóraǵasynyń orynbasary