Senat depýtaty Ernur Áıtkenov Pavlodar oblysyndaǵy aýdandarda bolyp, áleýmettik nysandardy aralady, turǵyndarmen kezdesti.
Senator aımaqtaǵy iri sút-taýar fermasynyń birinde kásiporyn qyzmetkerlerimen kezdesip, óńirde óndiriletin aýyl sharýashylyǵy ónimderin qaıta óńdeýdegi ózekti máselelerdi talqylady. Sondaı-aq aýyl turǵyndarynyń aýyl sharýashylyǵyn damytý, bilim berý, densaýlyq saqtaý, azamattar ómiriniń basqa da salalaryna qatysty suraqtaryna jaýap berdi.
«Búginde memleket sýbsıdııalar men preferensııalar arqyly aýyl sharýashylyǵy taýaryn óndirýshilerdi qoldap keledi. Bul sharalardyń barlyǵy azyq-túlik qaýipsizdigin qamtamasyz etý jáne otandyq óndiristi damytý úshin júzege asyrylyp keledi», dedi Ernur Áıtkenov.
Senator sondaı-aq Ertis aýdanyndaǵy Amangeldi aýylynda boldy. Bul jerde aýyldan respýblıkalyq tasjolǵa deıingi avtojol ýchaskesin qaıta jańartý jumystary júrgizilip jatyr.
Amangeldi aýylynyń turǵyndary qys mezgilinde aýylǵa jete almaıtyny, bul ózekti másele bolyp otyrǵany týraly depýtatqa aıtyp berdi. Bul másele avtojoldy qaıta jóndeýden keıin sheshilýi kerek.