Aqmola oblysynyń egde jastaǵy turǵyny úıde elektr qýatynsyz qalǵanyna shaǵymdanǵan. Zeınetkerdiń 1 690 teńge kóleminde bereshegi bar ekeni anyqtaldy, dep habarlaıdy Egemen.kz.
«Jergilikti turǵyn Adam quqyqtary jónindegi ýákildiń Aqmola oblysy boıynsha ókiline júginip, elektr qýatyn qosýǵa kómek suraǵan. О́tinish berýshi jalǵyz turady. Zeınetker eńbek ardageri, sondaı-aq II toptaǵy múgedek ekeni kórsetilgen», delingen ombýdsmenniń jelidegi paraqshasynda.
Maýsym aıynyń sońynda ol óziniń páterinde elektr qýatyn óshirgen jergilikti elektr jelisiniń qyzmetkerlerimen tildesken. Alaıda zeınetkerdiń jaryqty óshirmeý týraly ótinishi elenbeı qalypty.
Ýákil ókili energııa jelisiniń basshysyna qońyraý shalyp, ótinish berýshiniń 1 690 teńge kóleminde bereshegi bar ekenin anyqtady.
Zeınetker qaryzyn ótep, oǵan aıyppulsyz elektr qýaty qosyldy.