Qańtar oqıǵasy kezinde bıligin asyra paıdalanyp, qarý qoldanǵan áskerı Arman Jumannyń isi qaıta qaraldy, dep jazady Egemen.kz kaz.inform.kz-ke silteme jasap.
Buǵan deıin Almaty garnızony áskerı soty Arman Jumanǵa úkim shyǵaryp, ony aqtaǵan edi. Alaıda áskerı prokýratýra Qańtar oqıǵasy kezinde 4 jasar Aıkórkemdi óltirdi dep aıyptalǵan Arman Jumanǵa shyqqan úkimmen kelispeıtinin jetkizip, appelıasııalyq sotqa shaǵymdanǵan.
Sottyń osy satysynda ol qaıta aıyptaldy.
Sottalýshynyń kinási is boıynsha jınalǵan dáleldemelermen, ıaǵnı jábirlenýshiler men kýágerlerdiń aıǵaqtarymen, sot saraptamasynyń qorytyndysy jáne zattaı aıǵaqtarmen dáleldendi.
Áskerı sottyń sot alqasy aqtaý úkiminiń kúshin joıyp, jańa úkim shyǵardy.
Jańa úkimge sáıkes Qylmystyq Kodekstiń 451-baby 2-bóliginiń 1-tarmaǵy boıynsha A.Juman kináli dep tanylyp, 7 jylǵa bas bostandyǵynan aıyryldy.
Apellıasııalyq úkim zańdy kúshine endi.
Qylmystyq is jabyq sot otyrysynda «qupııa» belgimen qaraldy.