Aqmola oblysynda úsh bala tárbıelep otyrǵan shańyraq taǵy úsh náresteniń ińgálaǵan daýysymen nurlanyp, ómirdiń bazaryna aınaldy.
Kópbalaly ana Maqpal Júnisova jarymen birge Zerendi aýdanynyń Granıtnyı eldi mekeninde turady. Dárigerlerdiń aıtýyna qaraǵanda, ana men sábılerdiń jaǵdaıy jaqsy. Arnaıy bólmede tynyǵýda. Medısına qyzmetkerleri nárestelerdi kútýge qolushyn berip, kómektesedi.
– Operasııa qyryq mınýtqa sozyldy. Eshqandaı aýytqý bolǵan joq, – deıdi kópsalaly oblystyq aýrýhananyń perınataldyq ortalyǵynyń akýsher gınekologi Angelına Kornılova, – barlyq tekserý men aqyl-keńes júrgizilýde.
Oblysta úshem sońǵy ret 2022 jyly dúnıege kelgen eken. Sóz arasynda 2024 jyldyń alǵashqy bes aıynda óńirde
4 449 náreste dúnıege kelse, olardyń 36-y egiz, Kókshe jurtyn qýanyshqa bólegen dál osyndaı oqıǵa kópten beri bolmaǵan eken. Maqpal qazir bir ul, eki qyzdy tańǵy shyqtaı móldiregen analyq aq mahabbatymen álpeshtep otyryp, otbasyndaǵy úsh perzentiniń de jaıyn oılap qoıady. Ana kóńili osyndaı izgiligimen ystyq emes pe!
Aqmola oblysy