Astana qalalyq sotynda ánshi Qaırat Nurtasqa (Aıdarbekov red.) qatysty ákimshilik quqyq buzýshylyq týraly is apellıasııalyq tártippen qaraldy, dep jazady Egemen.kz.
Buǵan deıin ákimshilik quqyq buzýshylyqtar jónindegi mamandandyrylǵan aýdanaralyq sottyń qaýlysymen Qaırat Nurtas usaq buzaqylyq jasaǵany úshin 15 táýlik merzimge ákimshilik qamaýǵa alynǵan bolatyn.Birinshi satydaǵy sot Qaırat Nurtastyń ushaqtyń ishinde janjaldasý kezinde azamat Asylbek Bekqaıyrovqa qol jumsap, onyń densaýlyǵyna jeńil zııan keltirip, tóbeles kezinde balaǵat sózder aıtqanyn anyqtady.«Quqyq buzýshynyń advokaty qaýlymen kelispeı, 434-baptyń 2-bóligi boıynsha shaǵymdanyp, quramnyń bolmaýyna baılanysty sottan is júrgizýdi toqtatýdy surady. Qaýlynyń kúshin joıý úshin negiz anyqtalmaǵandyqtan apellıasııanyń 2024 jylǵy 9 shildedegi qaýlysymen birinshi satydaǵy sottyń sot aktisi ózgerissiz qaldyryldy», delingen Joǵarǵy Sot qaýlysynda.
Aıta keteıik, buǵan deıin ánshiniń usaq buzaqylyq úshin qamalýy múmkin ekenin habarlaǵan edik.