Búgin Almaty oblysy Tuzdybastaý aýylynda 21 jastaǵy moped júrgizýshisi tizginge ıe bola almaı apatqa ushyrady. Jas jigit sol jerde qaıtys boldy, al jolaýshy qyz aýrýhanaǵa jatqyzyldy, dep habarlaıdy Egemen.kz.
«Júrgizýshi rýldi basqara almaı, moped aýdarylyp ketken. Jol-kólik oqıǵasy saldarynan júrgizýshi sol jerde qaıtys boldy. Jolaýshy retinde ergen qyz túrli jaraqattarmen aýrýhanaǵa jatqyzyldy», dep habarlady Almaty oblysy PD baspasóz qyzmeti.
Osy rette tártip saqshylary jol qaýipsizdigi talaptaryn buzbaýǵa jáne jol qozǵalysy erejelerin qatań saqtaýǵa shaqyrdy.