ASTANA. 21 qańtar. Memlekettik múlik týraly zańnamanyń saqtalýy máseleleri Jambyl oblysy prokýratýrasynyń erekshe baqylaýynda tur. Bul týraly oblystyq prokýratýranyń baspasóz qyzmeti habarlady.
Qadaǵalaý tekseristeri barysynda 2014 jyly ekonomıkalyq maqsatqa sáıkestilikti, básekelestik naryqty, sondaı-aq mańyzdy áleýmettik obektilerdi esepke almaı, obektilerdi jekeshelendirýge jatatyn tizimge negizsiz engizý faktileri anyqtalǵan.
Prokýrorlyq yqpal etý aktilerine sáıkes, oblys ákimdigi jekeshelendirý tártibinde anyqtalǵan kemshilikterdi joıý boıynsha sharalar qabyldady, 23 obekt jekeshelendirýge jatatyn obektiler tiziminen shyǵaryldy.
Memleket qoryna Taraz qalasyndaǵy baǵasy 130 mln. teńgeden asatyn 2 ákimshilik ǵımarat qaıtarylyp, kommýnaldyq menshikti jaldaý týraly 20-dan asa kelisim-shart buzyldy.
Jerdi paıdalaný zańnamasy salasynda prokýrordyń shaǵymdarymen jer telimderiniń baǵalaý qunyn joǵarylatý faktileri boıynsha 120 mln. astam teńge, sondaı-aq, memleket qoryna paıdalanylmaǵan jáne zańdylyqty buzýmen paıdalanylǵan jalpy quny 208 mln. teńge bolatyn jer telimderi qaıtaryldy.
Joldybaı Bazar.
Derek: Jambyl oblystyq prokýratýrasynyń baspasóz qyzmeti.
Sýret: newskaz.kz.