Aqmola oblysy Shortandy aýdandyq sotynda aýdan ákiminiń orynbasary men apparat basshysyna qatysty is qaraldy, dep jazady Egemen.kz.
Sheneýnikter 2024 jyldyń mamyr aıynda ákimdik ǵımaratyndaǵy jumys ornynda janjaldasyp, artynsha tóbelesken.
Isti tergep-tekserý barysynda saraptama taǵaıyndalyp, nátıjesinde ekeýi de bir-birine jeńil zııan keltirgeni belgili boldy.
Dese de taraptar sot barysynda kinásin moıyndamaǵan.
«Sot qaýlysymen aýdan ákiminiń orynbasary «A.» jáne apparat basshysy «B.» Ákimshilik quqyq buzýshylyq týraly kodekstiń 73-1-babynyń 1-tarmaǵy boıynsha ákimshilik quqyq buzýshylyq jasaǵany úshin kináli dep tanyldy. Olardyń árqaısysyna 55 380 teńge mólsherinde aıyppul túrinde ákimshilik jaza taǵaıyndaldy», delingen oblystyq sottyń habarlamasynda.
Aıta keteıik, sot qaýlylary zańdy kúshine engen joq.