Almatyda Ábilhan Qasteev atyndaǵy Memlekettik óner mýzeıinde «Dástúr-halyq rýhy. Dala qazynasy» atty kórme ashyldy, dep habarlaıdy Egemen.kz Mádenıet jáne aqparat mınıstrliginiń baspasóz qyzmetine silteme jasap.
Kórmede 60-tan astam týyndy usynylǵan eken. Kelýshiler sándik-qoldanbaly ónerdegi kásibı sýretshilerdiń jumystarymen jáne qolónershilerdiń eńbekterimen tanysa alady. Olardyń ishinde kıiz, toqylǵan jáne kestelengen kilemder, gobelender, at-ábzelderi, aǵash, teri, metall sheberleriniń týyndylary bar.
Taǵy bir tutas bólim qabyrǵaǵa kestelengen túskıizderge arnalǵan eken. Qazirgi sándik-qoldanbaly ónerdiń eń keń taralǵan túri gobelenderge de arnalǵan jeke ekspozısııa bar. Is-shara 30 tamyzǵa deıin jalǵasady.