Orta salmaq boıynsha WBO jáne IBF tujyrymy boıynsha chempıondyq belbeý ıegeri kásipqoı boksshy Jánibek Álimhanuly kezekti jekpe-jegi aldynda aýrýhanaǵa tústi. Álem chempıony óziniń ataǵyn qorǵap jańazelandııalyq Andreı Mıhaılovıchke qarsy jekpe-jekke túsýi tıis edi. Boksshynyń menedjeri Berik Sultan Jánibek Álimhanulynyń salmaq tastaý kezinde esinen tanyp, aýrýhanaǵa jetkizilgenin málim etti.
Onyń qarsylasy Andreı Mıhaılovıch jekpe-jek úshin myńdaǵan shaqyrym joldy óndirip AQSh-qa kelgenine ókinishin bildirdi. Eki boksshy arasyndaǵy jekpe-jek 13 shildeden 14-ine aýǵan túnde AQSh-tyń Las-Vegas qalasynda ótýge tıis bolatyn.
Mamandar boksshy syrqatynan aıyǵýy úshin keminde 2-3 aı emdelýi kerek degendi alǵa tartyp otyr. Jánibek óziniń chempıondyq belbeýin qalaıda qorǵaýǵa tıis. Eger kez kelgen boksshy jazataıym jaǵdaı oryn alyp jaraqattansa, aýyryp qalsa, emdelýine úzilis beriledi. Odan keıin qorǵamasa, ataǵynan aıyrady.