Burynǵy Sıfrlyq damý, ınnovasııalar jáne aeroǵarysh ónerkásibi vıse-mınıstri Asqar Jambakın Kcell kompanııasynyń basshysy bolyp taǵaıyndaldy, dep habarlaıdy Egemen.kz kompanııanyń baspasóz qyzmetine silteme jasap.
«Qazaqtelekom» basshysy Baǵdat Mýsın «Kcell» AQ jańa bas dırektoryn tanystyrdy. Dırektorlar keńesiniń sheshimimen kompanııanyń basqarma tóraǵasy jáne bas atqarýshy dırektory laýazymyna Asqar Jambakın taǵaıyndaldy.
Eske sala keteıik, 2024 jyldyń 15 shildesinde Asqar Jambakın Sıfrlyq damý vıse-mınıstri qyzmetinen bosatylǵan edi. Ol bul qyzmetti 2020 jyldyń qarasha aıynan bastap atqarǵanyn aıta ketý kerek.