Búgin Sıfrlyq damý, ınnovasııalar jáne aeroǵarysh ónerkásibi mınıstri Jaslan Mádıev Úkimet otyrysynda 2025 jyldyń birinshi jartyjyldyǵynan keshiktirmeı Qazaqstanda «Jasandy ıntellekt týraly» zańnyń paıda bolýy múmkin ekenin málimdedi, dep habarlaıdy Egemen.kz.
Onyń aıtýynsha, zań jasandy ıntellektini qaýipsiz jáne etıkalyq paıdalaný úshin kózdelgen.
«Ozyq álemdik tájirıbe negizinde JI tehnologııasyn damytý maqsatynda Májilis depýtattarymen birlesip «Jasandy ıntellekt týraly» zań jobasy ázirlendi. Ol etıkalyq normalardy qabyldaýdy, memlekettik retteýdi, JI-obektilerdiń jumys isteýiniń quqyqtyq rejımin, JI-obektilerdi jikteýdi, memlekettik qoldaý sharalaryn jáne JI salasyndaǵy standarttaýdy kózdeıdi», dedi mınıstr.
Mınıstr búgingi tańda zań jobasy múddeli memlekettik organdarmen jáne «Atameken» UKP-men kelisilgenin atap ótti.
«Jasandy ıntellekt týraly» zańǵa Memleket basshysy 2025 jyldyń birinshi jartyjyldyǵynan keshiktirmeı qol qoıady dep josparlandy», dep qosty Jaslan Mádıev.