Dárigerler kópshiliktiń kózinshe kúıeýi pyshaqtaǵan júkti áıeldiń hál jaǵdaıy týraly aıtyp berdi, dep habarlaıdy Egemen.kz.
Mańǵystaý oblystyq kópsalaly aýrýhanasynyń habarlaýynsha, áıeldiń jaǵdaıy aýyr. Degenmen aq halattylar áıeldiń júktiligin saqtap qalǵan jáne balaǵa qaýip tónip turǵan joq.
Aıta keteıik, osydan birer kún buryn júkti áıelge aıaýsyz shabýyl jasaǵan er adamnyń is-áreketi qalyń kópshilikti dúr silkindirdi. Áleýmettik jelide Mańǵystaý oblysynda er adam áıelin halyqtyń kózinshe pyshaqtap tastaǵan beınejazbasy paıda boldy.
Mańǵystaý oblysynyń polısııa departamenti shabýyl jasaǵan adamnyń ustalyp, ýaqytsha ustaý ızolıatoryna qamalǵanyn habarlady. Adam óltirýge oqtalý baby boıynsha qylmystyq is qozǵaldy.
Keıin jábirlenýshiniń júktiligine 10 apta bolǵany belgili boldy.