8 jasar ónertapqysh

Aısha Eset pen Eva Jýrkı­nanyń «digidaisies» komandasy kohlearlyq ımplantasııa otasyn ótken ishinara estý qabileti nashar balalarǵa arnalǵan qoldanbanyń prototıpin jasady. Qoldanba sóıleýdi, sóıleý daǵdylaryn damytýǵa kómektesedi. Jattyǵý úshin qoldanba bir­neshe quraldy usynady. Mysaly, sóıleý gımnastıkasy, dybystyq tre­najer, ártúrli test. Qol­dan­badaǵy telefon kamerasy arqyly nysandardy taný úshin qyzdar neırondyq jelini paı­dalanǵan. Tańǵalar­lyǵy, qo­symshany qyzdar dosyna kómekteskisi kelip jasaǵan. «Biz bul jobany shyn júrekten tań­da­dyq, óıtkeni bizdiń dosymyz Aılın bar. О́kinishke qaraı, ol týǵannan estimeıdi jáne ımplantasııa otasyn jasatty. Bizdiń oǵan kómekteskimiz keledi», deıdi Aısha.

«Technovation girls» baǵdar­lamasy aqparattyq tehnologııa­lardy meńgerýge jáne jobalardy basqarý, IT-kásipkerlik daǵdylaryn alýǵa qyzyǵýshylyq tanytatyn 8-18 jastaǵy qyzdarǵa arnalǵan. Onyń negizgi mindeti – qyzdardyń IT-álemge degen qyzyǵýshylyqtaryn oıatý ári tehnologııa álemdi jaqsy jaqqa ózgertýdiń tıimdi quraly bola alatynyn kórsetý.

– Eger siz IT-da damyǵyńyz kel­­­se, sol qyzyǵýshylyq tanyt­­­­qan­dar­dyń ortasyn tabý óte mańyzdy, óıt­keni sizben ortaq múddeleri bar adamdarmen baılanys jasaý – ná­tıje­­­niń alǵashqy baspaldaǵy, – deıdi baǵ­­dar­lamanyń tálim­geri jáne Iаndeks tak­sı­degi aǵa testileý ınjeneri Mıla Badý.

Bıyl elimiz bul tehno­lo­gııa­­lyq baıqaýda búkil álem bo­ıyn­sha berilgen ótinimder sanynan úzdik úshtiktiń qataryna endi. Naqtyraq aıtar bolsaq, ­2 345 qyz baıqaýǵa ótinish bergen. Bul – elimiz úshin rekordtyq san.

8 jyl ishinde Qazaqstannan barǵan ko­­man­dalar fınalǵa 6 ret shyqty. Al 2017 jyly otandas­tarymyz 63 bas­qa eldiń ishinen Gran-prı jeńip al­dy. Osy jyly da kishkentaı bal­dyr­ǵan­darymyzǵa sáttilik tileımiz!