Yntymaqtastyq nyǵaıady

Qazaqstan Respýblıkasy Prezıdentiniń janyndaǵy Mem­lekettik basqarý akademııasynda rektor Bolatbek Ábdirá­silov pen «SOVNET» Reseıdiń jobalardy basqarý assosıasııasynyń prezıdenti Alekseı Polkovnıkovtiń kezdesýi bolyp ótti. Áńgimelesý barysynda taraptar jobalar men baǵ­dar­lamalardy basqarý salasynda joǵary bilikti memlekettik qyzmetshilerdi daıarlaý boıynsha yntymaqtastyqty ny­ǵaıtý ári damytý máselelerin talqylady jáne akademııa men «SOVNET» Reseıdiń jobalar­dy basqarý assosıasııasy arasyn­daǵy Yntymaqtastyq týraly memo­randýmǵa qol qoıdy. Sonymen qatar, IPMA jáne PMI ser­tıfıkattalǵan jo­ba­lyq me­nedjeri  A.Pol­ko­v­nıkov aka­demııanyń Joba­lyq menedj­men­tti oqytý or­ta­lyǵynyń múshe­leri, bólim­she jetekshileri jáne joba­lardyń ákimshileri úshin «IPMA/SOVNET standarttary boıyn­sha jobalardy basqarý. Ser­tı­fı­kattaýǵa daıyndyq» taqyry­bynda eki kúndik semınar ótkizedi. Semınar baǵdarlamasy «SOVNET» Reseıdiń jobalardy bas­qarý assosıasııasynyń (NCB-SOVNET National Competence Base­line) «Jo­ba­lardy basqarý: kásip­tik bilim negizderi, maman­dardyń quzy­ret­tiligine qoıy­latyn ulttyq talaptar» (NTK) standar­tynyń mazmuny men ta­l­ap­tary negizinde jasalǵan. Semınarda jobalardy basqarý ádisnamasynyń negizgi qaǵıdat­taryn qarastyrýmen qatar, joba­lardy basqarý boı­ynsha maman­dardyń quzy­ret­tiligine qoıy­latyn halyq­aralyq jáne ulttyq ta­lap­tarǵa basa nazar aýdaryl­dy. Sondaı-aq, spıker jo­ba­lyq menedjmentti memleket­tik organ­darǵa engizý tájirı­be­simen bólisti. A. Polkovnıkov jobalyq menedj­ment boıynsha birqatar tany­mal ǵylymı eńbekter men oqýlyq­tardyń avtory bolyp tabylady. «Egemen-aqparat».