Áleýmettik jelide 17 shilde kúni tańǵy saǵat 04:18-de №32 jolaýshylar avtobýsynyń júrgizýshisi keri burylý kezinde jeke úıdiń qorshaýyna kirip, gaz qubyryn buzyp ketkeni týraly aqparat tarady, dep habarlaıdy Egemen.kz.
Sondaı-aq vıdeo avtory kólik júrgizýshisiniń mas kúıde bolǵanyn atap ótti.
Almaty polısııa departamenti Túrksib aýdanynda qoǵamdyq kólikterdiń qatysýymen jol-kólik oqıǵasy bolǵanyn habarlady.
«Jol kólik faktisi tirkeldi, tıisti saraptamalar taǵaıyndaldy. Apattyń basqa jaǵdaılary anyqtalyp jatyr», dedi vedomstvo ókilderi.
Oqıǵaǵa qoǵamdyq kólikke ıelik etetin «AlmatyElektroTrans» JShS túsinikteme berdi.
«Bul fakti tirkeldi, istiń mán-jaıy anyqtalady. Tergeý nátıjeleri boıynsha júrgizýshiniń kinásiniń dárejesine baǵa beriledi», dep habarlady kompanııanyń baspasóz qyzmeti.