Jerasty sýyn óńdep, ydystarǵa quıyp satylymǵa shyǵarý qos tarapqa da paıdaly: kásipker úshin – tabys kózi, tutynýshy úshin –qunarly, taza aýyzsý. Mańǵystaý aýdanynyń Tushybek aýlynda iske qosylǵan sý qutylaý sehy atalǵan aımaqtaǵy jerasty sýyn halyq ıgiligine usynbaq.
Kásipker Erlan Ábdirahmanovtyń «Qaınar sý» belgisimen shyǵarǵan ónimi kópshilik suranysyn óteıdi. Kásiporynda plastık qutyny qyzdyratyn, úretin, tazalaıtyn, ydystarǵa sý quıatyn, qaqpaqpen aýzyn bekitetin, syrtyna taýar belgisin japsyratyn apparattar qoıylǵan. «Kúnine 1 500 lıtr shamasynda sýdy arnaıy ydystarǵa quıyp daıyndaımyz. Suranysqa qaraı odan da kóp mólsherde ónim óndirýge sý qory jetkilikti», deıdi sý shyǵarý sheberi Marǵulan Súgirov.
«Kásipkerlikti qoldaý arqyly jańa jumys oryndaryn ashý – búgingi kúnniń talaby. Násibin kásipten tapqan kásipkerler bastamasyna barynsha qoldaý kórsetý kerek», deıdi Mańǵystaý aýdanynyń ákimi Ǵalymjan Nııazov.
Mańǵystaý oblysy