Parıj-2024 Paralımpıada oıyndaryna para jeńil atletıkadan qorjynǵa kezekti joldama tústi, dep jazady Egemen.kz.
CSP-parasport.kz málimetinshe joldama jeńip alǵan Saltanat Ábilhasymqyzy T35 klassynda 100 metrge júgirý dıssıplınasynda dodaǵa enedi. Bul osymen atalǵan sporttan 4-shi lısenzııa. Budan bólek Parıjde para jeńil atletıkadan el namysyn Dastan Muqashbekov, Jolaman Elaman, Gúlbahyt Qaıyrjanova qorǵaıtyn bolady. Paralımpıada oıyndary boıynsha qazirgi ýaqytta Qazaqstannyń 8 sport túrinen 22 lısenzııasy bar.