Ulttyq olımpıadalyq komıtet usynǵan derekke sáıkes, osy kúnderi bokstan Qazaqstan quramasy Túrkistan oblysyndaǵy «Alma-taý» bazasynda Parıj Olımpıadasy qarsańyndaǵy sońǵy jattyǵý jıynyn ótkizip jatyr, dep jazady Egemen.kz.
26 shildede bastalatyn jazǵy Olımpıada oıyndaryna bokstan Qazaqstan quramasy tolyq quramda attanady.
Bas bapker Myrzaǵalı Aıtjanov sportshylardyń daıyndyq deńgeıi týraly aıtyp berdi. Myrzaǵalı Qulanuly joldama ıegerleri babynda ekenin jetkizdi.
«Komandada kim favorıt dep surap jatqandar kóp. Olımpıada aldynda boksshylardy dál bulaı bólýge bolmaıdy. Sebebi, Olımpıadanyń rýhy bólek. Bul jarys basqa básekelermen teń kelmeıdi. Sondyqtan, olımp shyńyna eń myqty degen sportshylar shyǵady. Bizdiń quramadaǵy jigitterdiń bári jaqsy. Eshkim Olımpıadaǵa jeńilemin dep barmaıdy. Onyń ústine, salmaq dárejeleri de az, jeteý ǵana.
Biz jeńisti dástúrimizdi qaıta jalǵastyryp, Parıj tórinde jankúıerlerdi qýantamyz dep senemin. Qazir komandada tórt álem chempıony, eki Olımpıada júldegeri bar. Barlyq jigitter tájirıbeli. Endi tájirıbesin sheberlikpen ushtastyryp, Olımpıadada jaqsy óner kórsetý ǵana qaldy», dedi bas bapker.