Jelide «Mercedes-Benz» kóliginiń júrgizýshisi Taraz kóshelerinde jol erejesin elemeı, óreskel qatelik jasaǵany beınelengen vıdeo tarap júr. Tártip saqshylary qylmyskerdi anyqtap, jaýapkershilikke tartqan, dep habarlaıdy Egemen.kz.
Jambyl oblysynyń polısııa qyzmetkerleri Taraz qalasynyń kóshelerinde jol erejesin óreskel buzǵan «Mercedes-Benz» markaly avtokóliktiń júrgizýshisi 21 jastaǵy Shymkent turǵynyn ustady.
«Júrgizýshige qatysty ákimshilik hattamalar toltyrylyp, 110 760 teńge kóleminde aıyppul salyndy. Sondaı-aq QR ÁQBtK-niń 596-babyna sáıkes júrgizýshi alty aı merzimge kólik quraldaryn basqarý quqyǵynan aıyryldy. Kólik arnaıy aıypturaqqa qoıyldy», delingen habarlamada.
Polısııa qyzmetkerleri jol erejelerin qatań saqtaý qajet ekenin eske saldy.