Astanada 19 - 30 shilde aralyǵynda Máńgilik el dańǵyly men Saraıshyq kóshesiniń qıylysynda kólik qozǵalysy shekteledi, dep habarlaıdy Egemen.kz.
Astana qalasynyń Kólik jáne jol-kólik ınfraqurylymyn damytý basqarmasynyń habarlaýynsha, Arqar kópirinen Maral kópirine deıingi jol aıryǵynyń oń jaq sezinde jáne Máńgilik el dańǵylynan Saraıshyq kóshesine deıingi sol jaq sezinde jol tósemin jóndeý jáne gıdrooqshaýlaý qabatyn qalpyna keltirý jumystary júrgiziledi.
«Elorda turǵyndary men qonaqtaryn qala joldaryndaǵy keptelisterdi boldyrmaý maqsatynda óz marshrýttaryn aldyn ala josparlaýdy suraımyz. Ýaqytsha qolaısyzdyqtar úshin keshirim suraımyz jáne jol-qurylys jumystaryn júrgizýge túsinistikpen qaraýdy suraımyz», delingen habarlamada.