Senat depýtattary Álibek Náýtıev pen Saǵyndyq Luqpanov Atyraý oblysyndaǵy Jylyoı aýdanynyń Qulsary qalasynda sý tasqynynan zardap shekken turǵyndarmen kezdesip, tabıǵat apatynyń saldaryn joıý jumystarymen tanysty.
Depýtattar jergilikti atqarýshy organdardyń zardap shekken turǵyndardyń máselelerin sheshý jóninde júrgizip jatqan jumysy týraly habardar boldy. Qazirgi ýaqytta halyqtyń 60 paıyzǵa jýyǵy aqshalaı ótemaqy aldy. 1367 turǵynnyń jeke shotyna turǵyn úı satyp alýǵa qarjy túskeni týraly aıtyldy.
Olar Qulsary qalasyndaǵy «Bolashaq» shaǵyn aýdanynda zardap shekkenderge salynyp jatqan 100 turǵyn úı qurylysynyń barysymen tanysty. Bul qurylysyna jergilikti 8 merdiger uıym jumyldyryldy. Qazirgi tańda qurylys-montaj jumystary júrgizilip, 61 úıdiń irgetasyn quıý aıaqtaldy, 42 úıdiń qabyrǵasy qalanyp, 15 úıdiń shatyryn jaba bastady.