Búgin 20 shildede tamyz aıynda ótetin UBT-ǵa qatysý úshin ótinish qabyldaý bastaldy. О́tinimder qabyldaý 30 shildege deıin jalǵasady, dep habarlaıdy Egemen.kz.
UBT-ǵa tirkelý Ulttyq testileý ortalyǵynyń saıtynda app.testcenter.kz júrgiziledi. Testileýdiń ózi 10-15 tamyz aralyǵynda ótedi.
Ǵylym jáne bilim mınıstrligindegiler tamyzdaǵy UBT shekti ball jınaı almaǵan talapkerlerdiń testileýden qaıta ótip, joǵary oqý ornyna aqyly negizde túsý múmkindigi bolýy úshin ótkiziletinin atap ótti. Tirkelý kezinde testilenýshiler emtıhan ótkiziletin oryndy, kúndi jáne ýaqytty ózderi tańdaıdy.
Negizgi UBT-ǵa qatysqan talapkerler beıindik pánder kombınasııasyn tamyz testileýinde ózgerte alady.
Tamyz aıyndaǵy UBT-ǵa aǵymdaǵy jáne ótken jylǵy mektep jáne kolledj túlekteri, qandastar (QR azamaty bolyp tabylmaıtyn ulty qazaq azamattar), shyǵarmashylyq mamandyqtardan basqa mamandyqtarǵa, basqa mamandyqtardan pedagogıkalyq baǵyttarǵa aýysqysy keletin stýdentter jáne joǵary oqý oryndaryna shartty túrde qabyldanǵan stýdentter qatysa alady. Sonymen qatar joǵary oqý ornyna aqyly negizde óz mamandyǵy boıynsha oqýdy jalǵastyrýdy josparlap otyrǵan kolledj túlekteri oqýǵa áńgimelesý qorytyndysy boıynsha qabyldanady. Bul rette oqýǵa qabyldaýdy oqý oryndarynyń qabyldaý komıssııalary júzege asyrady.
Barlyq bes UBT qorytyndysy boıynsha shekti ball jınaı almaǵan talapkerlerge JOO-ǵa shartty túrde aqyly negizde oqýǵa túsý múmkindigi beriledi. Ary qaraı olar 2025 jyly qańtar, naýryz, negizgi jáne tamyz UBT-syna qatysyp, joǵary oqý ornynda oqýyn jalǵastyrý úshin qajetti shekti balyn jınaı alady.